Hanuman Chalisa
|| श्री हनुमान चालीसा ||
This hymn is in Awadhi (Hindi) - composed by Goswami Tulsidas. Devanagari text with IAST transliteration for readability.
दोहा
श्रीगुरु चरन सरोज रज निज मनु मुकुरु सुधारि । बरनऊँ रघुबर बिमल जसु जो दायकु फल चारि ॥ बुद्धिहीन तनु जानिके सुमिरौं पवनकुमार । बल बुद्धि बिद्या देहु मोहिं हरहु कलेस बिकार ॥
śrīguru carana sarōja raja nija manu mukuru sudhāri | baranaūm̐ raghubara bimala jasu jō dāyaku phala cāri || buddhihīna tanu jānike sumiraum̐ pavanakumāra | bala buddhi bidyā dēhu mohim̐ harahu kalēsa bikāra ||
चौपाई १-४
जय हनुमान ज्ञान गुन सागर । जय कपीस तिहुँ लोक उजागर ॥१॥ राम दूत अतुलित बल धामा । अंजनिपुत्र पवनसुत नामा ॥२॥ महाबीर बिक्रम बजरंगी । कुमति निवार सुमति के संगी ॥३॥ कंचन बरन बिराज सुबेसा । कानन कुंडल कुंचित केसा ॥४॥
jaya hanumāna jñāna guna sāgara | jaya kapīsa tihum̐ lōka ujāgara ||1|| rāma dūta atulita bala dhāmā | añjaniputra pavanasuta nāmā ||2|| mahābīra bikrama bajaraṅgī | kumati nivāra sumati kē saṅgī ||3|| kañcana barana birāja subēsā | kānana kuṇḍala kuñcita kēsā ||4||
चौपाई ५-८
हाथ बज्र औ ध्वजा बिराजै । काँधे मूँज जनेऊ साजै ॥५॥ संकर सुवन केसरीनंदन । तेज प्रताप महा जग बंदन ॥६॥ विद्यावान गुनी अति चातुर । राम काज करिबे को आतुर ॥७॥ प्रभु चरित्र सुनिबे को रसिया । राम लखन सीता मन बसिया ॥८॥
hātha bajra au dhvajā birājai | kām̐dhē mum̐ja janēū sājai ||5|| saṅkara suvana kēsarīnandana | tēja pratāpa mahā jaga bandana ||6|| vidyāvān gunī ati cātura | rāma kāja karibē kō ātura ||7|| prabhu caritra sunibē kō rasiyā | rāma lakhana sītā mana basiyā ||8||
चौपाई ९-१२
सूक्ष्म रूप धरि सियहिं दिखावा । बिकट रूप धरि लंक जरावा ॥९॥ भीम रूप धरि असुर सँहारे । रामचंद्र के काज सँवारे ॥१०॥ लाय सजीवन लखन जियाये । श्रीरघुबीर हरषि उर लाये ॥११॥ रघुपति कीन्ही बहुत बड़ाई । तुम मम प्रिय भरतहि सम भाई ॥१२॥
sūkṣma rūpa dhari siyahiṁ dikhāvā | bikaṭa rūpa dhari laṅka jarāvā ||9|| bhīma rūpa dhari asura sām̐hārē | rāmacandra kē kāja sām̐vārē ||10|| lāya sajīvana lakhana jiyāyē | śrīraghubīra haraṣi ura lāyē ||11|| raghupati kīnhī bahuta baṛāī | tuma mama priya bharatihi sama bhāī ||12||
चौपाई १३-१६
सहस बदन तुम्हरो जस गावैं । अस कहि श्रीपति कंठ लगावैं ॥१३॥ सनकादिक ब्रह्मादि मुनीसा । नारद सारद सहित अहीसा ॥१४॥ जम कुबेर दिगपाल जहाँ ते । कबि कोबिद कहि सके कहाँ ते ॥१५॥ तुम उपकार सुग्रीवहिं कीन्हा । राम मिलाय राज पद दीन्हा ॥१६॥
sahasa badana tumharō jasa gāvaiṁ | asa kahi śrīpati kaṇṭha lagāvaiṁ ||13|| sanakādika brahmādi munīsā | nārada sārada sahita ahīsā ||14|| jama kubēra digapāla jahām̐ tē | kabi kobida kahi sakē kahām̐ tē ||15|| tuma upakāra sugrīvahiṁ kīnhā | rāma milāya rāja pada dīnhā ||16||
चौपाई १७-२०
तुम्हरो मंत्र बिभीषन माना । लंकेस्वर भए सब जग जाना ॥१७॥ जुग सहस्र जोजन पर भानू । लील्यो ताहि मधुर फल जानू ॥१८॥ प्रभु मुद्रिका मेलि मुख माहीं । जलधि लाँघि गये अचरज नाहीं ॥१९॥ दुर्गम काज जगत के जेते । सुगम अनुग्रह तुम्हरे तेते ॥२०॥
tumharō mantra bibhīṣana mānā | laṅkēsvara bhaē saba jaga jānā ||17|| juga sahasra jōjana para bhānū | līlyō tāhi madhura phala jānū ||18|| prabhu mudrikā mēli mukha māhīm̐ | jaladhi lām̐ghi gayē acaraja nāhīm̐ ||19|| durgama kāja jagata kē jētē | sugama anugraha tumharē tētē ||20||
चौपाई २१-२४
राम दुआरे तुम रखवारे । होत न आज्ञा बिनु पैसारे ॥२१॥ सब सुख लहै तुम्हारी सरना । तुम रच्छक काहू को डर ना ॥२२॥ आपन तेज संहारो आपै । तीनों लोक हाँक तें काँपै ॥२३॥ भूत पिसाच निकट नहिं आवै । महाबीर जब नाम सुनावै ॥२४॥
rāma duārē tuma rakhavārē | hōta na ājñā binu paisārē ||21|| saba sukha lahai tumhārī saranā | tuma racchaka kāhū kō ḍara nā ||22|| āpana tēja saṁhārō āpai | tīnōm̐ lōka hām̐ka tēm̐ kām̐pai ||23|| bhūta pisāca nikaṭa nahiṁ āvai | mahābīra jaba nāma sunāvai ||24||
चौपाई २५-२८
नासै रोग हरै सब पीरा । जपत निरंतर हनुमत बीरा ॥२५॥ संकट तें हनुमान छुड़ावै । मन क्रम बचन ध्यान जो लावै ॥२६॥ सब पर राम तपस्वी राजा । तिन के काज सकल तुम साजा ॥२७॥ और मनोरथ जो कोई लावै । सोई अमित जीवन फल पावै ॥२८॥
nāsai rōga harai saba pīrā | japata nirantara hanumata bīrā ||25|| saṅkaṭa tēm̐ hanumāna chuṛāvai | mana krama bacana dhyāna jō lāvai ||26|| saba para rāma tapasvī rājā | tina kē kāja sakala tuma sājā ||27|| aura manoratha jō kōī lāvai | sōī amita jīvana phala pāvai ||28||
चौपाई २९-३२
चारों जुग परताप तुम्हारा । है परसिद्ध जगत उजियारा ॥२९॥ साधु संत के तुम रखवारे । असुर निकंदन राम दुलारे ॥३०॥ अष्ट सिद्धि नौ निधि के दाता । अस बर दीन जानकी माता ॥३१॥ राम रसायन तुम्हरे पासा । सदा रहो रघुपति के दासा ॥३२॥
cārōm̐ juga paratāpa tumhārā | hai parasiddha jagata ujiyārā ||29|| sādhu santa kē tuma rakhavārē | asura nikandana rāma dulārē ||30|| aṣṭa siddhi nau nidhi kē dātā | asa bara dīna jānakī mātā ||31|| rāma rasāyana tumharē pāsā | sadā rahō raghupati kē dāsā ||32||
चौपाई ३३-३६
तुम्हरे भजन राम को पावै । जनम जनम के दुख बिसरावै ॥३३॥ अंत काल रघुबर पुर जाई । जहाँ जन्म हरिभक्त कहाई ॥३४॥ और देवता चित्त न धरई । हनुमत सेई सर्ब सुख करई ॥३५॥ संकट कटै मिटै सब पीरा । जो सुमिरै हनुमत बलबीरा ॥३६॥
tumharē bhajana rāma kō pāvai | janama janama kē dukha bisarāvai ||33|| anta kāla raghubara pura jāī | jahām̐ janma haribhakta kahāī ||34|| aura dēvatā citta na dharī | hanumata sēī saraba sukha karī ||35|| saṅkaṭa kaṭai miṭai saba pīrā | jō sumirai hanumata balabīrā ||36||
चौपाई ३७-४०
जै जै जै हनुमान गोसाईं । कृपा करहु गुरु देव की नाईं ॥३७॥ जो सत बार पाठ कर कोई । छूटहि बंदि महा सुख होई ॥३८॥ जो यह पढ़ै हनुमान चलीसा । होय सिद्धि साखी गौरीसा ॥३९॥ तुलसीदास सदा हरि चेरा । कीजै नाथ हृदय महँ डेरा ॥४०॥
jai jai jai hanumāna gōsāīm̐ | kr̥pā karahu guru dēva kī nāīm̐ ||37|| jō sata bāra pāṭha kara kōī | chūṭahi bandi mahā sukha hōī ||38|| jō yaha paṛai hanumāna calīsā | hōya siddhi sākhī gaurīsā ||39|| tulasīdāsa sadā hari cērā | kījai nātha hr̥daya maham̐ ḍērā ||40||
दोहा
पवनतनय संकट हरन मंगल मूरति रूप । राम लखन सीता सहित हृदय बसहु सुर भूप ॥
pavanatanaya saṅkaṭa harana maṅgala mūrati rūpa | rāma lakhana sītā sahita hr̥daya basahu sura bhūpa ||
आरती
मंगल मूरती मारुत नंदन सकल अमंगल मूल निकंदन पवनतनय संतन हितकारी हृदय बिराजत अवध बिहारी मातु पिता गुरू गणपति सारद शिव समेत शंभू शुक नारद चरन कमल बिन्धौ सब काहु देहु रामपद नेहु निबाहु जै जै जै हनुमान गोसाईं कृपा करहु गुरु देव की नाईं बंधन राम लखन वैदेही यह तुलसी के परम सनेही ॥ सियावर रामचंद्रजी की जय ॥
maṅgala mūratī māruta nandana sakala amaṅgala mūla nikandana pavanatanaya santana hitakārī hr̥daya birājata avadha bihārī mātu pitā gurū gaṇapati sārada śiva samēta śambhū śuka nārada carana kamala bindhau saba kāhu dēhu rāmapada nēhu nibāhu jai jai jai hanumāna gōsāīm̐ kr̥pā karahu guru dēva kī nāīm̐ bandhana rāma lakhana vaidēhī yaha tulasī kē parama sanēhī
॥ सियावर रामचंद्रजी की जय ॥