Achyutashtakam

अच्युतं केशवं रामनारायणं कृष्णदामोदरं वासुदेवं हरिम् । श्रीधरं माधवं गोपिकावल्लभं जानकीनायकं रामचन्द्रं भजे ॥१॥

acyutaṃ keśavaṃ rāmanārāyaṇaṃ kṛṣṇadāmodaraṃ vāsudevaṃ harim | śrīdharaṃ mādhavaṃ gopikāvallabhaṃ jānakīnāyakaṃ rāmacandraṃ bhaje ||1||

I worship Achyuta, Keshava, Rama-Narayana, Krishna-Damodara, Vasudeva, Hari, Shridhara, Madhava, the beloved of the gopis, the lord of Janaki, Ramachandra.

अच्युतं केशवं सत्यभामाधवं माधवं श्रीधरं राधिकाराधितम् । इन्दिरामन्दिरं चेतसा सुन्दरं देवकीनन्दनं नन्दजं सन्दधे ॥२॥

acyutaṃ keśavaṃ satyabhāmādhavaṃ mādhavaṃ śrīdharaṃ rādhikārādhitam | indirāmandiraṃ cetasā sundaraṃ devakīnandanaṃ nandajaṃ sandadhe ||2||

I hold in my heart the beautiful son of Devaki, the son of Nanda, the abode of Lakshmi, worshipped by Radhika, and known as Madhava, Shridhara, and the Lord of Satyabhama.

विष्णवे जिष्णवे शाङ्खिने चक्रिणे रुक्मिणीरागिणे जानकीजानये । बल्लवीवल्लभायार्चितायात्मने कंसविध्वंसिने वंशिने ते नमः ॥३॥

viṣṇave jiṣṇave śāṅkhine cakriṇe rukmiṇīrāgiṇe jānakījānaye | ballavīvallabhāyārcitāyātmane kaṃsavidhvaṃsine vaṃśine te namaḥ ||3||

Salutations to Vishnu, the victorious one, bearer of the conch and discus, beloved of Rukmini, Lord of Janaki, worshipped by the beloved cowherd girls, destroyer of Kamsa, and player of the flute.

कृष्ण गोविन्द हे राम नारायण श्रीपते वासुदेवाजित श्रीनिधे । अच्युतानन्त हे माधवाधोक्षज द्वारकानायक द्रौपदीरक्षक ॥४॥

kṛṣṇa govinda he rāma nārāyaṇa śrīpate vāsudevājita śrīnidhe | acyutānanta he mādhavādhokṣaja dvārakānāyaka draupadīrakṣaka ||4||

O Krishna, Govinda, Rama, Narayana, Lord of Lakshmi, unconquerable son of Vasudeva, inexhaustible treasure, Achyuta, Ananta, Madhava, and Adhokshaja, Lord of Dvaraka and protector of Draupadi.

राक्षसक्षोभितः सीतया शोभितो दण्डकारण्यभूपुण्यताकारणः । लक्ष्मणेनान्वितो वानरैः सेवितोऽगस्त्यसम्पूजितो राघवः पातु माम् ॥५॥

rākṣasakṣobhitaḥ sītayā śobhito daṇḍakāraṇyabhūpuṇyatākāraṇaḥ | lakṣmaṇenānvito vānaraiḥ sevito’gastyasampūjito rāghavaḥ pātu mām ||5||

May Raghava protect me: he who troubled the demons, was adorned by Sita, sanctified the land of Dandakaranya, was accompanied by Lakshmana, served by the vanaras, and worshipped by Agastya.

धेनुकारिष्टकानिष्टकृद्द्वेषिहा केशिहा कंसहृद्वंशिकावादकः । पूतनाकोपकः सूरजाखेलनो बालगोपालकः पातु मां सर्वदा ॥६॥

dhenukāriṣṭakāniṣṭakṛddveṣihā keśihā kaṃsahṛdvaṃśikāvādakaḥ | pūtanākopakaḥ sūrajākhelano bālagopālakaḥ pātu māṃ sarvadā ||6||

May the child Gopala always protect me, he who killed Dhenuka, Arishta, and Keshi, destroyed Kamsa, played the flute, and brought an end to Putana’s violence.

विद्युदुद्योतवत्प्रस्फुरद्वाससं प्रावृडम्भोदवत्प्रोल्लसद्विग्रहम् । वन्यया मालया शोभितोरःस्थलं लोहिताङ्घ्रिद्वयं वारिजाक्षं भजे ॥७॥

vidyududyotavatprasphuradvāsasaṃ prāvṛḍambhodavatprollasadvigraham | vanyayā mālayā śobhitorasthalaṃ lohitāṅghridvayaṃ vārijākṣaṃ bhaje ||7||

I worship the lotus-eyed Lord whose garment flashes like lightning, whose form shines like a rain cloud, whose chest is adorned with a forest garland, and whose pair of feet is reddish.

कुञ्चितैः कुन्तलैर्भ्राजमानाननं रत्नमौलिं लसत्कुण्डलं गण्डयोः । हारकेयूरकं कङ्कणप्रोज्ज्वलं किङ्किणीमञ्जुलं श्यामलं तं भजे ॥८॥

kuñcitaiḥ kuntalair bhrājamānānanaṃ ratnamauliṃ lasatkuṇḍalaṃ gaṇḍayoḥ | hārakeyūrakaṃ kaṅkaṇaprojjvalaṃ kiṅkiṇīmañjulaṃ śyāmalaṃ taṃ bhaje ||8||

I worship that dark and beautiful Lord whose face is bright beneath curly locks, whose jeweled crown and earrings shine, whose necklaces and bracelets gleam, and whose anklets are delightful.